E nisën për trajtim në Turqi, vdes gjatë rrugës ish-kreu i Arsimit

Ka ndërruar jetë si pasojë e C*vid 19 ish-drejtori i Arsimit në Gramsh, Xhevit Dyrmishi. Burime bëjnë me dije për Faxweb.al se Dyrmishi ka ndërruar jetë teksa ishte nisur me charter për në Turqi.

Mësohet se ai ka qenë i shtruar në spitalin Sanatorium në Tiranë, ku për shkak të gjendjes së rënduar, familja ka vendosur që ta nisë drejt Turqisë, por Dyrmishi ka ndërruar jetë rrugës.

Kanë qenë të shpeshta rastet e pacientëve shqiptarë, që për arsye nga më të ndryshmet, e më kryesorja për kushte më të mira, kanë vendosur që të nisen për kurim drejt klinikave në Turqi, të cilat janë të specializuara për trajtimin e rasteve C*vid.

Vetëm në dy muajt e fundit, ekspertët thonë se ka të paktën 80 raste që pacientët janë nisur me urgjencë nga Tirana në drëjtim të Turqisë, edhe pse një pjesë jo e vogël, nuk kanë mundur që ta fitojnë betejën edhe atje./Faxweb

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern