LIGJET E BIZNESIT
Kufizimi absolut i të drejtës për të protestuar ishte shqetësimi që shoqëria civile i adresoi Kryetares së Komitetit të Ekspertëve, njëherazi zv. ministre e Shëndetësisë, znj. Rakacolli. Një aktivitet i organizuar nga Qëndresa Qytetare, Qendra për të Drejtat në Punë dhe Olof Palme Center.
Gjatë pandemisë, Policia e Shtetit ka mohuar të drejtën e protestës qindra qytetarëve, si edhe ka shpërndarë forcërisht me dhjetëra protesta të organizuara në të gjithë vendin. Për këtë arsye, aktivistë të shoqërisë civile u bënë pjesë e kësaj tryeze, duke u përshëndetur edhe nga ambasadoria e Suedisë në Shqipëri, Elsa Hastad, e cila i vlerësoi si shumë të rëndësishme protestat në shoqëri demokratike edhe në situatë pandemie.
Gjithashtu, edhe Avokati i Popullit, znj. Erinda Ballanca adresoi me seriozitet këtë situatë të krijuar në vend, duke kontribuar me analizën dhe rekomandimet drejtuar institucioneve shqiptare, për të mos ndaluar të drejtën e qytetarëve të protestojnë.
Qëndresa Qytetare, Qendra për të Drejtat në Punë dhe Olof Palme Center bëjnë të ditur se do të ndjekin këtë të drejtë kaq të rëndësishme të qytetarëve të vendit tonë deri në ushtrimin e saj në mënyrë të lirë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
