LIGJET E BIZNESIT
Pasditen e sotme kryeministri Edi Rama ka nxjerrë pamje brenda Spitalit Infektiv.
Aty ndodhen pacientët e shtruar me koronavirus.
“Nga vija e zjarrit, në brendinë e Spitalit Infektiv Covid 1, ku luftohet pa pushim për të mbrojtur e shpëtuar jetë”, shkruan Rama.
“Shërbimi i shkëlqyer, mjekimi shumë i mirë”, ka thënë një prej pacientëve.
Aty tregohet personeli shëndetësor që mbajnë veshje speciale, ndërsa mjekja Najada Çomo tregon çfarë ilaçesh përdoren për të trajtuar pacientët.
““Është një protokoll që ka evoluar sepse e dimë që rastet e parë i takojnë nëntorit, më pas dhjetorit në Ëuhan e në Shkurt fillon në Italinë e Veriut. Kemi huazuar protokollet e vendeve ku filluan rastet e para, bota ka protokolle dinamike dhe Shqipëria në bazë të udhërrëfyesve që janë sot në botën më të zhvilluar ka marrë dhe përshtatur ato që janë barnat më të mira për këta pacientë”, tha Çomo.
“Fshati që duket nuk do kallauz”, thotë një pacient që merr frymë me oksigjen dhe vlerëson qeverinë.
Kujtojmë sot se nga kati i dytë i këtij spitali u vetëhodh një 69-vjeçar, i cili po kurohej për COVID19 dhe aktualisht është nën kujdesin e mjekëve, në gjendje të rëndë shëndetësore.
