Bluzat e bardha në zi/ Ndërron jetë mjekja e njohur në Tiranë, kolegët përlotin me fjalët

Një lajm i hidhur vjen në rradhën e bluzave të bardha.

Mësohet se është ndarë nga jeta mjekja Frida Buçpapaj.

Lajmin e ka bërë të ditur Drejtoria Rajonale e Operatorit të Shërbimit të Kujdesit Shëndetësor në Tiranë.

Me anë të njoftimi në rrjetet sociale, kolëgët shkruajnë të prekur se pas një eksperiencë shumë vjeçare, ajo ka qenë një frymëzim për mjekët dhe infermierët e tij.

“Ngushëllime familjareve për humbjen para kohe të njeriut te dashur. Frida ishte një mjeke që ju përkushtua kujdesit për fëmijët në shkollë, në lagje e kudo. Ikja para kohe na tronditi pa masë, nuk e beson askush doktoresha.U bëre yll dhe fluturove lart U prefsh e qetë në parajsë”, shkruan një mike e Buçpapajt.

Nuk jepen detaje mbi sëmundjen, apo edhe prej sa kohësh vuante mjekja që ndërroi sot jetë.

Postimi i plotë:

Me hidhërim të thellë njoftojmë ndarjen nga jeta të koleges tonë mjekes së nderuar Znj. Frida Buçpapaj.

Një eksperience shumë vjeçare ajo dha në kujdesin shëndetësor parësor, në shërbimin shkollor të NJVKSH Tiranë. Ka qenë frymëzim për të gjithë mjekët dhe infermierët e rinj ka qenë një mentore e pakursyer në dhënien e profesionit, karakterizuar nga mirësia, buzëqeshja që u dhuronte femijëve dhe kolegëve.

Në emër të DROSHKSH Tiranë iu shprehim ngushëllime të sinqerta familjarëve dhe kolegëve .