LIGJET E BIZNESIT
Pasi djali i tij Besart Kadia u emërua nga kryeministri Rama si zv.ministër i Financave, ka reaguar dhe i ati, gazetari Ilir Kadia.
Ky i fundit u është drejtuar të gjithë kritikëve me anë të rrjeteve sociale, në lidhje me vendimin që ka marrë i biri.
Ai shkruan mes të tjerash se të gjithë kanë të drejtën e tyre të shprehen kundër këtij vendimi, por nuk mund ta shoqërojnë mendimin me fjalë fyese.
“Shumë miq Facebook-u mbajnë qëndrim kundër pranimit të detyrës së zëvëndës ministrit të financave në qeverinë Rama nga im bir!Janë në të drejtën e tyre! Mirëpo kur këtë qëndrim e shoqërojnë me fjalë fyese dhe të pavërteta të tjera atëhere nuk mund të jenë miq me mua! Kaq e thjeshtë është! Shëndet të kenë”, shkruan ai.
Ky reagim i Ilir Kadias vjen pasi lajmi i emërimit të Besartit në qeverinë Rama solli një lumë komentesh në rrjetet sociale, duke kundërshtuar vendimin e ekonomistit, i cili ka qenë pjesë e Këshillit Kombëtar të PD, njëherësh këshilltari i Lulzim Bashës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ilir Kadia është gazetar i njohur që për shumë vite punoi për seksionin shqip të BBC ndërsa më herët ka punuar në disa media të Tiranës. Në mandatin e dytë të qeverisë Berisha ai ishte këshilltar i këtij të fundit për marrëdhëniet me publikun.
