Kryeministri Edi Rama është zhvendosur këtë fundjavë në Valbonë, Tropojë, së bashku me bashkëshorten e tij, Lindën dhe djalin e vogël, Zaho.
Në foton e postuar nga vetë kryeminstri në rrjetet sociale, kreu i qeverisë shihet i buzëqeshur pranë familjes së tij teksa nuk ka harruar të vendosë maskën mbrojtëse nga Covid-19. Rama dhe Linda shihen të maskuar, ndërsa Zaho i vogël duke qenë se është nën moshën 12 vjeç mund ta shijojë natyrën pa kufizime.
Të tre kanë pozuar mbi lisharësen e një bujtine. Bujtina të cilën ka zgjedhur familja e kryeministrit të kalojë fundjavën është ajo tradicionale e Kolë Gjonit, ku siç shkruan edhe vetë Rama pranë fotos, Kola bashkë me gruan dhe djemtë, presin e përcjellin vizitorë shqiptarë e turistë të huaj.
“Valbonë, Tropojë – Në bujtinën tradicionale të Kolë Gjonit, një shembëlltyrë e pasionit për punën në mes të një spektakli magjepsës të natyrës, ku Kola bashkë me gruan e djemtë presin e përcjellin vizitorë shqiptarë e turistë të huaj, duke e ndërtuar suksesin prej vitesh pa lëvizur nga vendi, teksa të tjerë po kthejnë sytë çdo vit e më shumë kah Valbona, me projekte interesante e me dëshirën për ta zbuluar këtë thesar mahnitës të Shqipërisë, ndërkohë që ne vazhdojmë të investojmë për ta mbështetur këtë zbulim me infrastrukturë, modele zhvillimi si Qendra e Re Turistike, financime direkte për bujqësinë, blegtorinë, bujtinat, si edhe zgjidhjen e problemit të vjetër të pronësisë.”- ka shkruar Edi Rama në postimin e tij.