Një rast i zhdukjes së një personi është regjistruar së fundmi në qytetin e Delvinës. Vasil Baho u largua nga Delvina marsin e këtij viti, duke i shprehur të vëllait se do të nisej drejt Finlandës, atje ku ai kishte pasur një bashkëjetesë 5-vjecare me një shtetase finlandeze.
Pasi lidhja e tyre përfundoi, Vasili kthehet në Shqipëri në vitin 2009, kur njihet me një tjetër vajzë, nga Dibra.
Cifti jetoi prej dy vitesh në Tiranë, ndërsa janë prindër të një djali 10 vjecar me emrin Obama. Ky ishte divorci i dytë për 51-vjecarin, pas të cilit rëndohet shëndeti mendor i tij. Pas disfatave të njëpasnjëshme në jetën e tij, delvinjoti nuk kishte dëshirë të jetonte më në Shqipëri. Pak para se të zhdukej, ai rinovoi dokumentat për të emigruar sërish në tokën helene. Por nga komunikimi i fundit që pati me të vëllanë e tij, i pohoi se do largohej drejt Finlandës, atje ku kishte marrë fund me kohë marrëdhënia e kahershme e dashurisë.
Për Vasilin i vëllai nuk ka bërë denoncim në polici, i vetmi denoncim është publikimi i këtij rasti në programin “Pa gjurmë”.