Vjen lajmi i bujshëm/ Ja kur do të nisë përgatitjet Gjermania për vaksinën anti COVID19

Një lajm i mirë vjen së fundmi nga e përditshmja gjermane Bild.

Mësohet se Gjermania po përgatitet të nisë vaksinimin kundër COVID19 përpara fundit të këtij viti.

Sipas ministrisë Shëndetësisë vendase, po planifikohen të krijohen 60 qendra të posaçme vaksinimi, për të siguruar që vaksinat mund të ruhen në temperaturën e duhur, dhe u ka kërkuar 16 landeve federale të vendit që t’i japin adresat për to deri më 10 nëntor, raporton Bild, pa cituar burimet e tij.

Këtë javë, gjatë një video konference, ministri gjerman i Shëndetësisë Jens Spahn, i cili dhe vetë rezultoi me koronavirus ditën e mërkurë, është shprehur se kompania BioNTech e Gjermanisë është afër miratimit të vaksinës së saj.

I pyetur se kur i pret vaksinat e para, Spahn ka thënë: “Kjo mund të ndodhë para fundit të vitit”, citon Bild pjesëmarrësit në video-konferencë.

BioNTech po zhvillon vaksinën në partneritet me kompaninë amerikane Pfizer Inc.

Muajin e kaluar, Gjermania ka ndarë 745 milionë dollarë financim për firmat bioteknologjike, BioNTech dhe CureVac, për të shpejtuar punën në vaksinat kundër koronavirusit dhe për të zgjeruar kapacitetin e prodhimit gjerman.