“U qëlluan nga afër”, doktori që manipuloi vrasjet e 21 Janar futet në listën e kandidatëve për deputetë të PD në Tiranë (Emri)

Mes emrave të propozuar nga selia blu pati shumë surpriza, si regjisori Robert Budina, aktori Julian Deda, ish-kapiteni i Tiranës Gent Muça, ish-drejtori i Policisë Erzen Breçani, futbollisti Andi Lila dhe atletja Klodiana Shala. Por ka dhe një emër që kaloi “pa u vënë re” nga mediat.

Ai është doktori Sami Koçeku. Doktori që në 21 janar 2011 kur Garada e Republikës me urdhër vrau 4 protestues të PS-së, para Kryeministrisë, në Bulevardin kryesor të kryeqytetit, tha se ata ishin vrarë nga afër. Kur trupat e viktimave mbërritën në spital atë mbrëmje, doktor Sami Koçeku që sot kërkon një mandat deputeti nën siglën e PD, deklaronte se ata ishin qëlluar dhe vrarë nga një distancë e afërt.

Kjo deklaratë ishte në një linjë me atë të qeverisë së kohës, e cila tentoi ta kthente ngjarjen e rëndë në një komplot brenda radhëve të opozitës socialiste, raporton newsbomb.al.

JA ÇFARË DEKLARONTE PËR GAZETARËT MBRËMJEN E 21 JANARIT DOKTOR SAMI KOÇEKU:

Gazetari: Do na jepni një informacion sa persona janë plagosur dhe a ka persona që kanë humbur jetën apo jo?

Dr. Sami Koçeku: Ekzakt nuk mund të jap asnjë lloj informacioni për numrin e tyre këtu, por ekzakt dihet se aktualisht kemi dy civilë të vdekur, janë me plumba në distancë të afërt, janë me të gjitha shenjat…, konfirmim që distanca ka qenë shumë e afërt nga qëllimi i tyre. Duhet të jenë armë të kalibrit të vogël, për arsye se, nuk janë plagë që hyjnë dhe dalin, janë vetëm plagë hyrëse, që tregon se s’kanë fuqi arme dhe janë qëlluar nga afër…

Gazetari: Në ekspertizën tuaj zoti Koçeku, cfarë fishekësh kanë qenë ato sipas jush?

Dr.Sami Koçeku: Me syrin tim, pistoleta të kalibrit të vogël, duket nga këto tip silenciator por të vogla, të vegjël, kalibër i vogël, i hollë, por që…/newsbomb