U largua nga Top Channel/ Zbulohet në cilin televizion do ta shohim tani Xhemi Shehun

Largimi i moderatores Xhemi Shehu nga spektakli i humorit “Portokalli” ishte një nga lajmet që bëri më shumë bujë këtë verë.

Mirëpo mesa duket Xhemi nuk ka humbur shumë kohë dhe ka vendosur që mos të qëndrojë gjatë larg ekranit.

Kështu, mësohet se shumë shpejt ajo do të jetë pjesë e emisionit të ri “Nuk është karantinë”.

“Nuk është karantinë” është emisioni i ri i gazetarit Eni Shehu, që do vijë së shpejti, çdo fundjavë, në Abc News. Një format dinamik dhe frymëzues që sjell në ekran një edicion special të jetës aktive dhe të shëndetshme.

Në spotin e këtij programi detaji që ka rënë në sy është prezenca e Xhemi Shehut.

Kujtojmë se pas largimit nga Top Channel kjo është shfaqja e saj e parë në një logo tjetër televizive.