Rrëzohet avioni me kokainë, ka të vdekur!

Një avion që mbante gati gjysmë ton kokainë u rrëzua në Meksikën qendrore, pas një ndjekje të autoriteteve. Fatkeqësisht si pasojë e përplasjes humbën jetën dy persona.

Ministria e Mbrojtjes së Meksikës tha se helikopterët ushtarakë meksikanë pikasën aeroplanin në hapësirën ajrore meksikane dhe e ndoqën atë për qindra milje derisa atij i karburantit dhe u përplas në Botija, Queretaro, të hënën. Aeroplani ishte i ngarkuar me rreth 400 kilogramë kokainë, shkruan CNN.

Në muajt e fundit një numër avionësh biznesi janë rrëzuar ose janë braktisur në Amerikën Qendrore dhe Meksikën Jugore, të cilat dyshohet se funksiononin për kontrabandën e drogës.

Rrëzimi i së hënës erdhi më pak se dy javë pasi një avion biznesi i raportuar i vjedhur në Meksikë u rrëzua në një xhungël të Guatemalës, duke lënë të vrarë dy burra pranë një sasie të drogës dhe armëve në bord. Ky aeroplan kishte bërë një udhëtim misterioz në Venezuelë./faxnews