Rrahën keq dhe bënë për spital dy persona/ Arrestohet babai në Krujë, shpallet në kërkim i biri

Një ngjarje e rëndë ka ndodhur së fundmi në Krujë.

Mësohet se si pasojë e një konflikti të momentit, babë e bir në bashkëpunim me njëri tjetrin kanë goditur me një send të fortë, në pjesë të ndryshme të trupit shtetasit F.B., 53 vjeç dhe A.B. 22 vjeç, të cilët ndodhen në spital nën kujdesin e mjekëve.

Për rrjedhojë është arrestuar babai, 57-vjeçari me iniciale V.A dhe është shpallur në kërkim djali, shtetasi E.A, banues në Krujë.

NJOFTIMI ZYRTAR I POLICISE

Arrestohet në flagrancë një 57-vjeçar dhe shpallet në kërkim një tjetër, për veprën penale “Plagosje e rëndë me dashje”

Specialistët për Hetimin e Krimeve në Komisariatin e Policisë Krujë, arrestuan në flagrancë shtetasin V.A., 57 vjeç, si dhe u bë shpallja në kërkim për djalin e tij, shtetasin E.A., 22 vjeç, banues në Krujë.

Këta shtetas dyshohet se pas një konflikti të çastit, në bashkëpunim me njëri tjetrin kanë goditur me një send të fortë, në pjesë të ndryshme të trupit shtetasit F.B., 53 vjeç dhe A.B. 22 vjeç, të cilët ndodhen në spital nën kujdesin e mjekëve.

Materialet i kaluan Prokurorisë së Rrethit Gjyqësor Krujë, për veprime të mëtejshme.