Një princ saudit, i cili ka gjendet në koma për më shumë se një dekadë ka arritur të lëvizë dorën e tij. Princi Al-Waleed bin Khalid Al-Saud shihet duke ngritur gishtat ndërsa një grua e përshëndet atë në një videoklip.
‘Përshëndetje, Didi përshëndetje, përshëndetje më lejoni të shoh, përshëndetje,’ thotë ajo ndërsa princi lëviz gishtërinjtë si përgjigje.
Ajo pyet ‘një më shumë, një më shumë, më lart, më lart’ dhe mbreti ngre tërë dorën nga shtrati përnjëherë.
‘Shumë mirë!’- thotë gruaja e paidentifikuar.
Pamjet e momentit janë parë gati 200,000 herë në Twitter dhe janë shpërndarë nga princesha saudite Noura bint Talal Al-Saud.
Princi Al-Waleed është në koma që nga viti 2005 kur pësoi një hemorragji në tru pasi u përplas me makinë ndërsa studionte në një kolegj ushtarak. Princi i ri ka qenë me një ventilator që nga aksidenti 15 vjet më parë. Lëvizja e tij e fundit fizike e regjistruar ishte pesë vjet më parë.
Babai i princit, i cili është vëllai i manjatit të biznesit miliarder Princi Al-Waleed bin Talal bin Abdulaziz Al-Saud, nuk ka hequr kurrë shpresën që djali i tij të shërohet.
Princi Khalid ishte mes anëtarëve të familjes mbretërore Saudite të ndaluar për 11 muaj për kritikat e një goditjeje ndaj elitës së mbretërisë.
Dhjetëra princër, zyrtarë dhe manjatë u burgosën në hotelin Ritz-Carlton të Riad në vitin 2017.