Përgjaket mbrëmja/ Ambulanca përplas për vdekje një person

Një ngjarje e rëndë ka ndodhur këtë mbrëmje në aksin rrugor Elbasan-Librazhd, ku një person është perplasur nga ambulanca dhe si pasoje ka humbur jetën.

Dyshohet se viktima është goditur nga një ambulancë me targa maqedonase. Pranë trupit të tij ndodhet edhe një motor.

Burime për mediat bëjnë me dije se një person tjetër po merr oksigjen në ambulancën që ka mbërritur në vendngjarje, teksa nuk dihet nëse është pacient i prekur me Covid-19 apo nga ndonjë sëmundje tjetër.