Përdorimi i maskës/ Doktor Skënder Brataj bën deklaratën e fortë, ja çfarë do të ndodhë

Drejtori i Urgjencës Kombëtare Skënder Brataj duke folur për përdorimin e maskave në publik, u shpreh se maskat ulin shpërndarjen e infeksionit.

“E kemi thënë se maska është ndër të vetmet masa mbrojtëse që ka efikasitet. Maska ul shpërndarjen e infeksionit. Maska nuk e mbron 100 për qind kuptohet, por është ndër më të mirat. Maska, por edhe distanca sociale dhe higjiena personale. Në restorante dhe bare është vënë kufizimi se tavolinat duhet të jenë gati 2 metra larg.

Edhe për ambientet e brendshme, nëse aty zë 100 veta, unë fus 20 njerëz, duke respektuar distancën sociale dhe higjienën. Bizneset janë të detyruar që të përdorin protokollet. Maska kontrollon situatën shëndetësore, që numrat mos tejkalojnë shumë. Ambientet e mbyllura të ajrosen çdo 15 minuta”, tha Brataj.

Skënder Brataj theksoi se maska na mbron 50 për qind nga viruset. “Kemi tre tipa maske, që varet sa për qind mbrojnë. Maska ka lindur si rezultat për mbrojtje ndaj mikrobeve. Kolla dhe e tështira e spërklat janë më të rrezikshme në përhapje. Maska na mbron mbi 50 përqind. Maska duhet përdorur brenda dhe jashtë ambienteve shëndetësore. Maskat me filtra specialë janë më efikasë”, u shpreh Brataj.