Neritan Ceka, pas infektimit me virus ka ka rrëfyer se i është dashur të harxhojë plot 5 mijë euro në shtëpi, për të pasur mundësi, për të përballuar trajtimet kundër Covid-19.
Në një intervistë për News 24, Ceka tha se askush nuk është interesuar për të, dhe se shteti nuk i ka dhënë asnjë recetë ilaçesh.
Ceka tregoi se ajo që lë pas Covid-i është ndjeshmëri dhe solidaritet. Ai shtoi se për një pensionist, të kalosh këtë sëmundje në shtëpi është vetmi dhe vdekje.
“Covid-i është vetmi, interesimi i njerëzve të ndihmon. U ndjeva i lënë pas dore nga shteti, për pensionistët që nuk janë të rënduar nga ana shëndetësore, kalimi i sëmundjes në shtëpi, është vdekje. Gjithë trajtimin e bëmë vetë, kushton 5 mijë euro. Nuk na dhanë recete, i morëm ilaçet pa recetë,”– u shpreh Ceka ndër të tjera.