Ditën e sotme ish-deputeti Enkelejd Alibeaj dhe sekretari për çështjet ligjore në PD, Çlirim Gjata kanë dorëzuar në SPAK padinë e tretë për inceneratorët.
Mësohet se pas kallëzimit që bënë për Tiranën dhe Elbasanin, selia blu ka dërguar dhe një padi për atë të Fierit.
“Sapo kemi depozituar kallëzimin penal për inceneratorin e Fierit. Janë bërë si trekëndëshi i Bermudës. E njëjta skemë e zhvatjes së parave të shqiptarëve”, tha Alibeaj.
Dy përfaqësuesit e PD-së thanë se edhe në këtë skemë janë përfshirë sërish kryeministrn Edi Rama, Arben Ahmetaj, Lefter Koka dhe Alqi Bllako.
Gjata tha se këto padi janë trajtuar si grup i strukturuar kriminal, shpërdorim detyre dhe pabarazi në tendera.