Seanca e sotme në Kuvend e ka gjetur deputetin Kujtim Gjuzi të revoltuar.
Ai kërkoi fjalën duke u shprehur qartazi se nuk do ta mbajë maskën jashtë ambienteve të Kuvendit.
Sipas deputetit policia i ka vendosur gjobë të enjtën e kaluar, por u shpreh se këtë Akt Normativ nuk do ta njohë.
“Unë kam marrë një gjobë nga policia e shtetit, nuk e kam refuzuar, por nuk mund të njihen vendimet e kryeministrit kur nuk vijnë në kuvend, protestoj me forcë. Maska sipas mjekëve të akademisë konservatore, në ambiente të hapura nuk këshillohet. Ju deklaroj se nuk do ta mbaj maskën në ambiente të hapura, të mbyllura po”, u shpreh Gjuzi në seancën plenare.