‘Një mik në ditë, pa alkool dhe restorante’, Belgjika i rikthehet sërish ‘shtetrrethimit’

Numri i lartë i rasteve të Covid-19 regjistruar në shumicën e shteteve Europiane ka vënë në alarm autoritetet shëndetësore.

Një prej shteteve që ka vendosur të forcojë sërish masat është Belgjika. Kryeministri Alexander de Croo konfirmoi se duke nisur nga e hëna e 19 tetorit do të kufizojë qarkullin rrugor, mbylljen e bareve dhe restoranteve për 4 javë.

Gjithashtu, qytetarët nuk do të lejohen të kenë më shumë se një kontakt të ngushtë jashtë shtëpisë së tyre. Familjet gjithashtu mund të ftojnë deri në 4 miq gjithmonë të njëjtë, një herë në çdo 2 javë. Gjithsesi, distanca do të respektohet.

Për tubime ose ngjarje të tjera të brendshme, që nuk kanë një protokoll, lejohen maksimumi 40 persona. Vendi do të qëndrojë në shtetrrethim nga ora 00:00 deri në 05:00 dhe do të ketë një ndalim të shitjes së alkoolit pas orës 20:00. Pas dy javësh, masa do të vlerësohet.