LIGJET E BIZNESIT
Pas tragjedisë së ndodhur në një minierë ku tre punëtorë humbën jetën, ka ardhur dhe reagimi i gazetarit të njohur Artan Hoxha.
Ai e cilëson mëngjesin e sotëm si të trishtë dhe u shpreh ngushëllimet familjarëve që humbën të dashurit e tyre.
“Tani, per 3 dite do flitet per kushtet skandaloze në miniera, për pronaret dhe oligarket, qe pasurohen me thesaret e nentokes shqiptare, për agjensite shteterore qe duhet kontrollojne kushtet e punes por qe nuk e bejne kurre detyren… Pas 3 ditesh, gjithçka do te harrohet si gjithnje në kete vend”, shkruan ndër të tjera gazetari.
REAGIMI I PLOTE I GAZETARIT ARTAN HOXHA
Miremengjes SHQIPERI…
Nje mengjes i trishte, i nisur me fatkeqesi.
Tre shqiptare, nga ata me te miret, punetore kokeulur, qe pavarsisht veshtiresive dhe kushteve mizerabel te punes, vazhdonin te futeshin çdo dite në thellesite e nentokes shqiptare, për të mbajtur gjalle, me djerse dhe pune te ndershme, familjet e tyre.
Tre burra, qe nuk do te kthehen me te gjalle prane familjeve te tyre, do ti mungojne ketij vendi te zhytur në deshperim.
Lamtumire inxhinierit 64 vjeçar Ismail Hoxha, banues në Peshkopi dhe 2 punëtorëve, Fatos Çesku 55 vjeç e Ruzhdi Rushitit 33 vjeç, banues në Bulqizë.
Ngushellime familjeve, për fatkeqesine qe u ra persiper.
Zoti u dhente kurajo, qe ta perballojne kete dhimbje kaq te madhe…
Tani, per 3 dite do flitet per kushtet skandaloze në miniera, për pronaret dhe oligarket, qe pasurohen me thesaret e nentokes shqiptare, për agjensite shteterore qe duhet kontrollojne kushtet e punes por qe nuk e bejne kurre detyren…
Pas 3 ditesh, gjithçka do te harrohet si gjithnje në kete vend.
Per t’u kujtuar serish, kur te ndodh tragjedia e radhes…
