Ndahet nga jeta ish-deputeti i Partisë Socialiste

Është ndarë dje nga jeta, ish-deputeti  i Kuvendit të parë pluralist, Halil Hysenaj në moshën 73- vjeçare.

Prej vitesh jetonte në Shtetet e Bashkuara të Amerikës, ku edhe atje ndërroi jetë si pasojë e një sëmundje të rëndë.

Halil Hysenaj u lind në fshatin Panarit të Këlcyrës, aty ku edhe kreu arsimin 7 vjeçar, ndërsa shkollën e mesme e vazhdoi në Tiranë në shkollën ekonomike për mercolog.

Në vitin 1991 do të zgjidhej si deputet i kuvendit të parë Pluralist në zonën e Deshnicës , Këlcyrë, i propozuar nga partia Socialiste.

Në vitin 1999 ai emigroi  drejt SHBA-ve, aty ku dha ‘frymën e fundit’, ndërsa la pas bashkëshorten dhe dy djemtë.