Ka vijuar me debate të forta seanca e sotme në Kuvend.
Deputetja e opozitës së re Rudina Hajdari ka folur me tone të ashpra, duke akuzuar qeverinë se nuk e ka patur diasporën asnjëherë si prioritet të sajin.
Sipas Hajdarit, mazhoranca kurrë nuk ia ka thënë atë që ata kanë kërkuar prej kohësh, të drejtën për të votuar.
“Të drejtat e tyre asnjëherë nuk kanë qenë prioritet i qeverisë. Nuk i kanë dhënë një çështje që kanë kohë që e duan. Janë kontribuuesit kryesorë të këtij shteti, janë ata që e mbajnë gjallë ekonominë e këtij vendi. Mazhoranca, diasporës nuk i ka dhënë të drejtën e votës. Sa herë vini këtu dhe thoni se jeni duke luftuar për ta, kjo është e vërteta se çfarë jeni duke bërë për diasporën. Bëhet një spektakël i shëmtuar në kurriz të diasporës, por edhe të qytetarëve, shqiptarë. Shqiptarët po gënjehen”, tha Hajdari.
Ndërkohë gjatë fjalës së saj deputetja Hajdari teksa ka kërkuar më tepër kohë, pati kundërshtime, ndërsa nënkryetarja Vasilika Hysi është kundërpërgjigjur më kritika ndaj deputetes.
Vasilika Hysi: Po vijove me mungesë etike do të të çoj në komsion etike….Mua gishtin mos ma ngri se je grua e je nënë, je zonjë…kjo nuk ishte pjesë e rendit të ditës. Respekto pozicionin e kryetares.
Rudina Hajdari nuk largohet nga foltorja: Nuk më le të mbaroj fjalën.
Vasilika Hysi: Të ka mbaruar minutazhi…kërkuar procedurën, po flisnit për çështje jashtë rendit të ditës dhe në bazë të rregullores, unë kam të drejtë të të ndërpres fjalën.