Pas disa ditësh me kohë relativisht të ngrohtë, dita sot do të karakterizohet nga një kthesë e papritur e motit.
Kështu, sipas parashikimit të Meteoalb i gjithë territori i vendit tonë do të mbizotërohet nga vranësirat të cilat do të sjellin rrebeshe shiu.
Fillimisht do të jenë në zonat veri-perëndimore pastaj do të shtrihen në të gjithë territorin.
Ditën e sotme temperaturat do të pësojnë një rënie të ndjeshme, ku do të variojnë:
Në zonat malore, nga 11°C në 17°C, në zonat e ulëta nga 17ºC në 23°C dhe në zonat bregdetare nga 19°C në 26°C.
Ndërsa era do të fryjë në drejtim Jugor dhe forca e valëzimit në det do të jetë 4 ballë.