Media në zi/ Ishte prekur nga COVID19, ndahet nga jeta gazetari shqiptar

COVID19 vijon të marrë jetë dhe në rradhën e njerëzve të njohur.

Mësohet se së fundmi ka ndërruar jetë si pasojë e virusit gazetari sportive Mikel Mbriçaj.

Ai është ndarë nga jeta në moshën 62-vjeçare, duke humbur betejën me koronavirusin.

Gazetari nga Fieri njihej për transmetimet e ndeshjeve sportive në Radio Tirana në emisionin “Nga njëra ndeshje në tjetrën”. Ngushëllimet për ndarjen e tij nga jeta i shprehu Shoqata e Gazetarëve Fier, që shkruante se Mbriçaj do të kujtohet nga shokët dhe kolegët e tij për zemrën e madhe dhe  shpirtin e pastër.

Kolegë të shumtë kanë shprehur po ashtu ngushëllime për ndarjen nga jeta të Mbriçajt.