LIGJET E BIZNESIT
Shkarkohet nga detyra drejtori i Burgut të Peqinit Bukurosh Malluta.
Mësohet se ky vendim ka ardhur si pasojë e urdhërit të ministres së Drejtësisë Etilda Gjonaj.
Shkak për këtë është bërë keqmenaxhimi në këtë institucion të vuajtjes së dënimit.
Kujtojmë që pak ditë më parë të burgosurit zhvilluan një grevë urie, ku ka pasur dhe transferim të dënuarish në spital për shkak të gjendjes shëndetësore.
Ata kërkojnë amnisti dhe rishikim të dënimeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu 170 të burgosurit pretendojnë që dënimet e tyre të përgjysmohen dhe dënimet përjetë të konvertohen në 20 vjet.
Për të arritur qëllimin e tyre, të burgosurit i kanë dërguar një letër presidentit Ilir Meta, kryeministrit Edi Rama, kryeparlamentarit Gramoz Ruçi dhe ministres së Drejtësisë, Etilda Gjonajt.
Po kështu, të burgosurit kanë zhvilluar një takim edhe me një grup nga Drejtoria e Përgjithshme të Burgjeve dhe përfaqësues të Avokatit të Popullit, por nuk dihet ende çfarë vendimi është marrë.
Nga ana tjetër, ministrja e Drejtësisë, Etilda Gjonaj është shprehur për këtë grevë, se nuk pret që të dënuarit ta pranojnë lehtë regjimin bis 41, pasi është i vështirë.
