“Mashtrues ordiner” Zëdhënësi i Metës bën për ‘ujë të ftohtë’ Ramën: Gënjen pa hapur gojën, lëre më kur flet

Pas deklaratës së kryeministrit Edi Rama se presidenti Ilir Meta ka qenë një nga hartuesit e marrëveshjes së Detit me Greqinë, ka ardhur dhe reagimi i zëdhënësit të Kreut të Shtetit, Tedi Blushi.

Ky i fundit shkruan se  “i kujtojmë këtij mashtruesi të pështirë se marrëveshja u nënshkrua në Tiranë në 27 prill 2009 dhe Ilir Meta ka qenë në opozitë në atë kohë.

“Mister 1 Prilli vërtetoi edhe njëherë sot, para të gjithë shqiptarëve, se është një mashtrues ordiner, i cili gënjen pa hapur gojën, lëre më kur flet”, shprehet Blushi.

Reagimi nga Tedi Blushi

Asnjë surprizë nga Mister 1 Prilli, i cili vërtetoi edhe njëherë sot, para të gjithë shqiptarëve, se është një mashtrues ordiner, i cili gënjen pa hapur gojën, lëre më kur flet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mister 1 Prilli pretendoi sot se Ilir Meta ka qenë një nga hartuesit e marrëveshjes për delimitimin e hapësirës detare mes Shqipërisë dhe Greqisë, të rrëzuar nga Gjykata Kushtetuese.

I kujtojmë këtij mashtruesi të pështirë se marrëveshja u nënshkrua në Tiranë në 27 prill 2009.

O TYÇ GËNJESHTAR: Në 27 prill 2009, Ilir Meta ka qenë në opozitë.

Mashtrimi është vesi i tij!

Vesi del me shpirtin!