“Ky është kushti që duhet plotësuar” Mesazhi i fortë i ambasadorit gjerman pas krizës politike në vend

Ambasadori gjerman në vendin tonë Peter Zingraf ka folur dhe për situatën politike aktuale që po kalon vendi ynë.

Me anë të një deklarate për mediat, ai ka folur nga Shkodra duke thënë se Shqipëria po shkon drejt integrimit por shtoi se ka ende shumë për të bërë.

“Në këto kohë gjenden arsye pozitive për të ecur para. Shqipëria duhet t’i bëjë reformat për vete. Një nga kushtet, ngritja e Gjykatës Kushtetuese.

Shqipëria ka shumë për të bërë, janë kushte për t’u plotësuar. Një BE e fortë, një partneri i fortë për Shqipërinë”, ka thënë ai .

Kurse për krizën dhe tensionet mes palëve politike ai tha se “Jemi në fushatë elektorale”.

“Dyert për Shqipërinë janë të hapura, po punojmë për këtë temë. Shqipëria ka bërë hapa para”, tha më tej ai.