Duket se dhe qeveria e Ramës nuk i ka shpëtuar infektimit nga koronavirusi.
Kështu, mësohet se ministrja e Infrastrukturës dhe Energjisë Belinda Balluku ka dalë pozitive me COVID19.
Lajmin e ka bërë të ditur vetë Ministria me anë të një deklarate zyrtare, në të cilën njoftohet se Balluku është në gjendje të mirë shëndetësore dhe ka simptoma të lehta.
“Ministria e Infrastrukturës dhe Energjisë njofton se ministrja Belinda Balluku, rezultoi pozitiv pas testimit për COVID 19. Ministrja është në gjendje të mirë shëndetësore, paraqet simptoma të lehta dhe ka nisur karantinimin sipas protokollit përkatës. Përfitojmë nga rasti t’u bëjmë thirrje të gjithë qytetarëve, të respektojnë të gjitha masat dhe protokollet në fuqi, për parandalimin e përhapjes së pandemisë”, bën me dije Ministria.