“Kam parë UFO” Këngëtarja e famshme i habit të gjithë me dëshminë: Jam shumë e bindur

Ajo është një nga këngëtaret më të famshme në mbarë botën.

Bëhet fjalë për Miley Curus, e cila i ka habitur të gjithë me deklaratën e saj të fundit.

Sipas yllit të muzikës, ajo ka patur një eksperiencë personale me jashtëtokësorët.

Të gjithë skenën e ka pohuar në një prononcim të sajin për revistën “Intervistë”.

“Isha duke i dhënë makinës së bashku me një shoqen time, dhe u ndoqëm nga një objekt i çuditshëm, një lloj UFO”, tha 27 vjeçarja. “Jam shumë e bindur për atë që pashë”, këmbëngul ajo.

Por edhe pse pranoi faktin që kishte blerë pak marijuanë përpara këtij episodi, Cyrus është shfaqur e bindur për takimin me një alien.

“Ngjante me një borëpastruese që fluturonte. Kishte një ngjyrë të verdhë të shndritshme. Unë e pashe, mikja imë po ashtu. Por edhe disa makina të tjera ndaluan, kështu që besoj se ajo që më zunë sytë, ishte e vërtetë”, rrëfen këngëtarja.

E gjithë skena e ka të tronditur thellë, aq sa për pesë dite siç thotë, kishte frikë të ngrinte sytë nga qielli. “ Më dukej sikur do të ktheheshin”, shprehet Miley, megjithëse sqaroi se nuk ndiente më kërcënim nga objekti fluturues i paidentifikuar, me drejtuesin e të cilit sic pretendon, kishin shkëmbyer edhe vështrime.