“Kam dashur të vras Rexhep Meidanin” Pas 20 vitesh, Murrizi trondit me deklaratën e fortë

Deputeti i opozitës së re Myslym Murrizi i ka habitur të gjithë me deklaratën e tij të fundit.

Mbrëmjen e djeshme ai është shprehur se ka dashur të vrasë ish-presidentin Rexhep Meidanin në fund të viteve 90’.

Sipas tij ai e shihte si kundërshtar dhe se në Partinë Demokratike në atë periudhë i thoshin se ka vrarë Azem Hajdarin.

“Për cilët politikanë po flasim? Këta që bëjnë sikur zihen e ndajnë bashkë tenderat dhe paratë publike. Unë kam qenë deputet 29 vjeç. Kam dashur ta vras Rexhep Meidanin. Se ne na thonin në parti që ka vra Azem Hajdarin. E shikoja si kundërshtar. Tani kur i shikoj tek i japin dekorata, më duket hipokrizi.

Ai është komunist. Unë skam pasur asnjë pjesëtar të familjes në Partinë Komuniste. E vetmja parti që s’ka dalë nga zyrat e Ramiz Alisë apo nga zyrat e sigurimit”- tha Murrizi në “Open”.