“Je shumë i bukur” Biznesmeni gay vë në siklet pastorin e njohur: Shokët e mi në Amerikë të kanë qejf

Papa Francesku deklaroi dje se dhe homoseksualët janë fëmijë të Zotit dhe kanë të drejtë që të kenë familje.

Sipas tij ata nuk duhet të dëbohen dhe të ndihen keq për atë që janë, madje është shprehur se është pro për krijimin e një ligji për partneritetin civil.

Në këtë mënyrë, ata do të jenë të mbuluar ligjërisht.

Për të diskutuar rreth kësaj deklarate në emisionin Rudina në Tv Klan, kanë qenë të ftuar Pastori i Kishës “Ungjilli i Krishtit”, Akil Pano dhe ish-atletistja Klodiana Shala, ndërsa në një lidhje me Skype do jetë sipërmarrësi Elton Ilirjani dhe Xheni Karaj, aktiviste e të drejtave LGBTI.

Biznesmeni Elton Ilirjani ka dashur të bëjë bisedën me pastorin sa më shumë komike duke e komplimentuar atë dhe i thotë se shokët e tij amerikanë e kanë shumë qejf dhe e vlerësojnë shumë.

Elton Ilirjani: Unë e kam shumë qejf pastorin, madje shumë miq të mi këtu në Neë York thonë sa pastor i bukur, e vlerësojnë shumë amerikanët se është i mirë. Madje edhe disa shoqe të mia shqiptare të kanë shumë qejf pastor. Ne jemi krijesa shumë të bukura të Zotit.

Akil Pano: Edhe unë ju dua shumë prandaj ju këshilloj për mirë!