Iu bëri moral për virusin, Safet Gjici bën gafën e madhe (Foto)

Kryetari Bashkisë së Kukësit, Safet Gjici së fundmi ka bërë përsëri një gafë.

Ditën e djeshme në ditën e të moshuarve vizitoi dy të moshuar në shtëpinë e tyre ku duke iu bërë dhe moral për virusin. Gjatë kohës që ka qenë duke biseduar me banorët e Kukësit, Gjici u ka thënë atyre që mos t’u japin dorën të tjerëve pasi sipas tij do të jenë të rrezikuar nga sëmundja vdekjeprurëse.

Ndërkohë pas disa minutash kur kryetari ka dalë nga shtëpia, mesa duket ka harruar fare se çfarë kishte thënë dhe i ka dhënë dorën të moshuarës për t’i thënë mirupafshim. Siç shihet edhe në pamjet e publikuara nga vetë kryetari i Bashkisë së Kukësit shihet se Gjici edhe maskën nuk e ka vendosur si duhet gjatë momentit që i është afruar të zonjës së shtëpisë.