Numri i infeksioneve dhe viktimave në Itali, vijon të rritet ndjeshem. Vetëm në 24 orët e fundit janë shënuar 7 332 të infektuar, nga 5 901, që u shënuan ditën e djeshme, duke e çuar në total numrin e përgjithshëm 372 799.
Kjo është shifra më e lartë e regjistruar në krahasim me muajin mars, kur piku u shënua në 21 mars me 6557 të infektuar në 24 orë.
Fatkeqësisht betejën me COVID-19 e kanë humbur 43 pacientë, dy më shumë se dje. Kështu në total numri i viktimave ka shkuar në 36,289, shkruajne mediat fqinje.
Në 24 orët e fundit Ministria e Shëndetësisë thotë se 25 pacientë të rinj janë shtruar në kujdes intensiv dhe tashmë gjithsej janë 539 persona në kujdes intensiv dhe 5,470 të shtruar në spital me simptoma.
Sa i përket rajoneve kishte një rritje të rasteve të reja në Lombardi (+1844), 818 në Campania, 657 në Veneto. Rajoni me më pak raste pozitive në 24 orë është Bazilikata (+9).