“Grua e madhe që buzëqesh me modesti” Inxhinierja e dashur për shqiptarët feston ditëlindjen, nusja i bën dedikimin emocionues

Pas tërmetit të shtatorit dhe atij të nëntorit vitin e kaluar, ajo u kthye në një personazh të njohur që qetësonte familjet shqiptare me shpjegimet që bënte për lëkundjet e tokës.

Bëhet fjalë për inxhinieren e njohur Luljeta Bozo, e cila sot feston ditën e saj të lindjes.

Ndërkohë në këtë moment special nuk ka munguar as një urim nga nusja e djalit të saj, regjisorja Alda Bida.

Ajo i ka shkruar vjehrrës një dedikim tepër emocionues duke i shprehur mirënjohjen.

“Gëzuar ditën e lindjes Luljeta Bozo (Konomi) ti grua e madhe që ke dhënë e jep kontribut në shkencën e mekanikës së dherave e që shumë të identifikojnë me tërmetin…. që ke kaluar në duart e tua breza e breza konstruktorësh e ndërtues… që modestisht buzëqesh kur ish-studentë të falenderojnë për atë çfarë u ke dhënë me zemërgjerësi, Dijen… kur bota akademike nga gjithë bota të vlerëson e fton të ndash në auditore universistetesh prestigjoze e konferenca botërore studimet e tua… Tokio…Paris…Tetovë… Gjermani… Barcelonë… Seul. Ti pa bujë dhuron çfarë di”, shkruan ndër të tjera regjisorja Bida për inxhinieren Luljeta Bozo.