Kryeministri Edi Rama ka sulmuar me tone të ashpra që në mëngjes presidentin Ilir Meta.
Deklarata e fortë e kreut të qeverisë erdhi pak para mbledhjes me drejtuesit e PS në qarqe.
Rama u shpreh se “është fatkeqësi që përshkallëzimi i dhunës verbale dhe marrëzisë së Ilir Metës, po ndodh shumë përpara kohe”, duke nënkuptuar se reagime të tilla pranë zgjedhjeve do të ishin më të kuptueshme. “Nuk e di ku do të shkojë kaq herët sa ka filluar”, tha Rama.
“Fatkeqësisht ai ka dalë komplet nga të gjitha shinat e funksionit të tij”, u shpreh numri një i qeverisë.
“Është vërtet fatkeqësi që përshkallëzimi i dhunës verbale dhe i marrëzisë nga ana e Ilir Metës po ndodh shumë përpara kohe në një kuptim, nuk e di ku do shkojë kaq herët sa ka filluar, sepse nuk është hera e parë, por realisht është shumë e turpshme dhe sekëlldisëse për të gjithë ne që të kemi një individ në zyrën e Presidentit të Rrepublikës që faktikisht ka dalë komplet nga të gjitha shinat e funksionit të tij dhe ka vendosur veten dhe institucionin në dispzision të një force të degraduar siç është partia prej të cilës ai vjen dhe tek e cila ai shkon. Është për të ardhur keq”, tha kryeministri gjatë fjalës së tij përpara gazetarëve.