Ditën e sotme Partia Demokratike ka dorëzuar një tjetër kallëzim penal për ‘shpifje’ ndaj kryebashkiakut të Tiranës Erion Veliaj.
Ky veprim lidhet me deklratat e tij në media se kryetari i Partisë Demokratike Lulzim Basha ka marrë një makinë nga një oligark, ndaj dhe arriti të ndalonte protestat në Astir.
Kjo është padia e dytë për shpifje kundër Veliajt brenda 1 jave me akuzën e shpifjes.
“Pjesë e fushatës denigruese për të dëmtuar imazhin e kreut të opozitës, janë edhe akuzat e Veliajt se “PD është një çetë që vë gjoba dhe që u bie biznesmenëve për të marrë një vilë apo një makinë. Për këto akuza, kërkohet nga gjykata dënimin i Erion Veliajt për shpifjet e përsëritura kundër Kryetarit të PD, Lulzim Basha, me qëllim dëmtimin e imazhit dhe përfitimin në zgjedhjet e ardhshme.
Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozitë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS”, thuhet në padinë e ngritur.
