E rëndësishme/ Rektori i UT tregon si do zhvillohet mësimi në universitete dhe a do të përgjysmohen tarifat

Me datë 2 nëntor do të nisë viti i ri akademik për të gjithë studentët.

Ndërkohë, rektori i Universitetit të Tiranës Artan Hoxha është shprehur së fundmi se mësimi mund të bëhet i alternuar mes platformës online dhe në auditore, nisur nga situata e shkaktuar prej COVID19.

Hoxha deklaroi gjatë një konference për shtyp sesa tarifat e studimit janë përcaktuar në Paktin për Universitetit dhe shtoi se nuk do të ketë përgjysmim të tyre.

Mes të tjerash rektori tha se janë marrë masat për fillimin e vitit akademik, ku secili universitet ka platformat e veta.

“Sa i përket fillimit të vitit të ri akademik, një nga diskutimet në konferencë ishte se si do e përballonim situatën. Në dijeninë time të gjitha institucionet po angazhohen që të kenë platforma ndryshe nga ato që kemi punuar me herët. Ajo që po ndodh në të gjitha universitet e vendit, është krijimi i një platforme, që garanton që procesi të zhvillohet normalisht. Ajo që po ndodh këto ditë është se po trajtohen në përdorimin e sistemit, pedagoget, administratorët dhe studentët që fillimi akademik të na gjejë të përgatitur. Do të kenë përgjysmim, mbështetje të studentëve në nevojë. Tarifën e regjistrimit për ciklin e dytë të studimit, do të jetë 20 mijë lekë. Ka një kërkesë të studentëve, dhe nuk do të ketë përgjysmim të tarifës, pasi do të thotë të bllokosh universitetin. Cikli i dytë i studimeve kudo në botë paguhet më shumë.”, tha Hoxha.