E futën në thes me një mace të egër, e rrahën barbarisht për vdekje se nuk iu dorëzua epsheve të

Askush si vajza mirditore 22 vjecare nuk i ka njohur dhe provuar aq barbarisht torturat e regjimit diKtatorial të komunizmit.

Sot mbushen plot 70 vjet nga ndarja nga jeta e Marie Tucit, mësueses mirditore, e vetmja femër e renditur në listën e 40 martirëve shqiptarë e shpallur e Lumtur në nëntor 2016, raporton newsbomb.al.

Sot, për nder të saj në teatrin Migjeni në Shkodër, vihet në skenë drama me të rinjtë e Famullisë Rranxa Bushat në Shkodër, ndërkohë që hyrja do të jetë falas për të gjithë.

Historia e Marie Tucit është tragjike. Pas arrestimit së bashku me të vëllain pas vrasjes së Bardhok Bibës, vuajtjet për të nuk mbarojnë. Shefi I sigurimit të Shkodrës në atë kohë, Hilmi Seiti, u godit nga bukuria e vajzës dhe donte të abuzonte me të, por ndeshi në kundërshtimin e Maries. Për shkak të mosbindjes, Marien e futën në një thes me një mace të egër, duke e goditur nga jashtë vazhdimisht. Kur e nxorrën prej andej, Maria nuk njihej. Edhe pse u dërgua në spital, mbylli sytë përgjithmonë në moshën 22 vjecare në 24 tetor 1950, raporton newsbomb.al.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Marie Tuci, vajza mirditore u shndërrua në simbolin e emancipimit e të dinjitetit njerëzor e femëror në kushtet e regjimit të egër diktatorial komunist që e coi drejt vdekjes. Në kohën e demokracisë, Tuci përkujtohet si një grua me një dinjitet të lartë e të pathyeshëm që nuk iu dorezua epsheve të funksionarëve të regjimit të kohës, ndonëse ishte e mbyllur në qelitë e komunizmit.

U shpall e Lume së bashku me 28 martirë të tjerë të Kishës Katolike Shqiptare, në Shkodër, në 5 nëntor 2016./newsbomb