E FUNDIT/ Qeveria dërgon në Kuvend marrëveshjen për blerjen e vaksinës anti-COVID, ja shuma marramendëse që do paguhet

Sot qeveria ka vendosur të dërgojë në Kuvend projektligjin për blerjen e vaksinës anti-COVID19.

Mësohet se Këshilli i Ministrave ka bërë marrëveshje me kompaninë COVAX për të siguruar dozat e duhura në mënyrë që popullsia të vaksinohet.

Sipas informacioneve shteti shqiptar do të paguajë 3.990.000 euro për këtë kontratë.

Konkretisht, sipas nenit 1 “Përkufizimet dhe interpretimet”, pika 1.1 “Përkufizimet” dhe konkretisht paragrafi i 23-të, “dozat totale të pjesëmarrësit”, janë 1 140 000 (një milion e njëqind e dyzet mijë), të cilat mbulojnë 20 % të popullsisë.

Shuma totale është 3 990 000 (tre milionë e nëntëqind e nëntëdhjetë mijë) dollarë amerikanë. Pas pagesës GAVI (Kompania qe prodhon vaksinen COVAX) do të marrë përsipër:

• të njoftojë pjesëmarrësin me shkrim, herë pas here, për çdo mundësi për të blerë vaksinat e miratuara nga një prodhues i përcaktuar (“Mundësia e blerjes”);
• që, për çdo mundësi blerjeje do të përcaktojë kushtet kryesore të prokurimit dhe të shpërndarjes së vaksinave të miratuara nga prodhuesi përkatës i përcaktuar. Pjesëmarrësi pranon që kushtet e parashikuara në mundësinë e blerjes nuk mund të negociohen dhe do të jenë të detyrueshme për pjesëmarrësin, nëse ai merr pjesë në një mundësi blerjeje;
• nëse pjesëmarrësi nuk dëshiron të marrë pjesë në një mundësi blerjeje, pjesëmarrësi do të njoftojë GAVI-n, me shkrim, në mënyrë thelbësore në formën e shtojcës 2 (Forma e njoftimit për mospjesëmarrje) brenda periudhës së specifikuar nga GAVI në njoftimin e një mundësie blerjeje (një njoftim i tillë, është “Njoftimi për mospjesëmarrje”);
• nëse pjesëmarrësi nuk i dorëzon një njoftim për mospjesëmarrje GAVI-t, brenda periudhës së specifikuar nga GAVI në njoftimin e mundësisë së blerjes, GAVI mund të njoftojë herë pas here pjesëmarrësin për opsionin e secilit prodhues të përcaktuar për të blerë vaksinat e miratuara (një “Opsion blerjeje”); dhe
• gjatë ushtrimit të një opsioni blerjeje nga një prodhues i përcaktuar,

“Qëllimi i projektligjit është ratifikimi i marrëveshjes së angazhimit, ndёrmjet Republikës së Shqipërisë dhe Aleancës GAVI, për pjesëmarrjen në strukturën globale të qasjes në vaksinat COVID-19 (COVAX Facility), e cila është miratuar, në parim, nga Këshilli i Ministrave, me vendimin nr.734, datë 16.9.2020, “Për miratimin, në parim, të marrëveshjes së angazhimit, ndërmjet Këshillit të Ministrave të Republikës së Shqipërisë, përfaqësuar nga Ministria e Shëndetësisë dhe Mbrojtjes Sociale, dhe Aleancës GAVI, për pjesëmarrjen në strukturën globale të qasjes në vaksinat COVID-19 (COVAX FACILITY)”, theksohet ndër të tjera në projektligjin e depozituar në Kuvend.