E bujshme/ Altin Basha largohet pas 17 vitesh nga Portokallia, ky është regjisori i njohur që do e zëvendësojë

Prej kohësh flitet se regjisori i “Portokallisë” Altin Basha nuk do të jetë më pjesë e këtij spektakli.

Madje shumë prej aktorëve që u larguan nga aty, e fajësuan për përplasjet e shumta mes palëve.

Por së fundmi duket se e gjithë situata ka marrë një tjetër drejtim, pasi Altin Basha nuk është më pjesë e programit “Portokalli”.

Ai është larguar pas plot 17 viteve.

Ndërkohë, këto ditë sipas “Dritare.net” stafi i emisionit është prezantuar me regjisorin e ri.

Bëhet fjalë për Indrit Çobani, një nga emrat e dashur të skenës dhe një prej regjisorëve më të mirë në vend.

Tashmë “Portokallia” është gati për sezonin e ri dhe me zyrtarizimin e ndryshimeve.

Kujtojmë se dhe prezantuesja Xhemi Shehu u largua, për tu zëvendësuar nga këngëtarja e njohur Eneda Tarifa, e cila do të drejtojë spektaklin në krah të aktorit Salsano Rapi.