LIGJET E BIZNESIT
Pak para ndryshimeve të Kodit Zgjedhor që do të miratohen sot në Kuvend, presidenti Ilir Meta ka lëshuar sërish një mesazh të fortë.
Kreu i Shtetit paralajmëron se cilido nga deputetët që sot do të ngrejë dorën pro këtyre ndryshimeve, do të vulosë moshapjen e negociatave të BE me Shqipërinë dhe do të rrëzojë përfundimisht marrëveshjen historike që u nënshkrua më 5 qershor.
“Unë uroj që e ashtuquajtura mazhorancë të thellohet, dhe po ashtu të ashtuquajturit opozitarë, nëse duan të quhen të tillë, ti mbyllin sot derën integrimit të vendit të Shqipërisë.
Pasi çdo deputet qëë ngre sot dorën, duhet ta dijë që do të ketë përgjegjësi individuale dhe politike, sepse kjo është një përmbysje tinzare dhe e pabesë e rregullave të lojës. Presidenti do i publikojë emrat e të gjithë atyre që duan ta rikthejnë Shqipërinë 30 vite pas, presidenti do bëjë atë gjë që është e mirë për Integrimin e Shqipërisë.
Presidenti dhe 3 milionë shqioptarë do tregojë se Europa është në zemrat e tyre, dhe nuk është vetëm euro”, u shpreh Meta, gjatë një konference me presidentin e Bosnje Hercegovinës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në konferencën e përbashkët, me presidentin e Bosnje Hercegovinës, Meta u ndal dhe te fenomeni i shpopullimit, kur tha se politikanët nuk po punojnë për interesat e vendit.
“Ne kemi një armik të përbashkët, shpopullimi, në rastin e Shqipërisë situata është më kritike. Largimi i tyre vjen ngaqë udhëheqësit tanë punojnë avash avash, duhen vendime të guximshëm, të shpejta. Nuk duhet të përdorim retorikën për BE-në vetëm për të marrë fonde dhe para nga BE.
Vendi ynë ka humbur shumë kohë për anëtarësuar në BE, pasi ne nuk kemi problemet që trashëgoi Bosnja dhe Hercegovina. Për fat të keq ne jemi vonuar nga një lidership që përdori integrimin si retorikë”, u shpreh Meta.
