Dalin mesazhet e demokratëve/ “Jepi jepi se jemi dobët… ” Ja si mobilizohen për ti rritur audiencën Bashës

Dikur akuzonin Partinë Socialiste se mobilizonte “freshistat” apo epitete të tjera, për të shpërndarë apo komentuar pozitivisht te Edi Rama.

Por duket se demokratët nuk kanë rrugë tjetër drejt popullaritetit se sa të ndjekin të njëjtën strategji.

Siç edhe duket në këto mesazhe që qarkullojnë brenda grupeve të demokratëve në Watsapp, ata janë të shqetësuar se teksa Basha është drejtpërdrejt në Zonë e Lirë, vetëm 2.7 k shikues.

Ata i bëjnë thirrje njëri-tjetrit ta shpërndajnë sa më shumë si dhe të ftojnë të afërmit e miqtë për ta parë së bashku Bashën, shprehet një pjestar i grupit për Newsbomb.al.

Sakaq, nga Partia Demokratike e kanë mohuar të kenë lidhje me këtë grup, duke e quajtur grup i sajuar për të shpërndarë dezinformacione dhe fake-news.

Jo rrallë herë, më pas, shohim në portale apo edhe të shpërndara nga vetë politikanët, se si e “mundin” njëri-tjetrin me shikueshmëri të lartë në rrjetet sociale.