“Çmendet” shkodrani/ Pas gjobës që i vë polici, e bën për spital. Shpallet në kërkim (EMRI)

Shpallet në kërkim një shtetas i identifikuar si Indrit Shtegu.

Ky i fundit akuzohet se ka rrahur në mënyrë brutale Policin e Rrugores, Hysni Idrizi.

Ngjarja e rëndë ka ndodhur pasditen e djeshme në lagjen “Parrucë”, në qendër të qytetit të Shkodrës.

E gjitha ka nisur pasi Indrit Shtegu parkoi kundravajtje mjetin triçikël në lagjen Parrucë, në një parkim dysh.

Menjëherë efektivi i policisë i vuri gjobë, por kjo e fundit nuk u pranua nga drejtuesi i mjetit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shtegu nisi të debatojë me policin dhe më pas e goditi me grushte në fytyrë, duke i shkaktuar dëmtime të mëdha. Efektivi u dërgua në spitalin rajonal të Shkodrës nga ku mësohet prej bluzave të bardha se ka të thyer nofullën.

Nga ana tjetër familjarët e Shtegut kanë deklaruar në polici, se ky i fundit ka probleme të shëndetit mendor. Mbi të rëndon vepra penale “goditje për shkak të detyrës ndaj punonjësit të policisë” si dhe “kundërshtim me forcë i punonjësit të policisë”.