Çfarë po ndodh në Itali? Bëhet kërdia 24 orët e fundit

Italia ka pësuar një përkeqësim me situatën e pandemisë së koronavirusit, ku numri i rasteve të reja është rritur ndjeshëm.

Mediat italiane shkruajnë se në 24 orët e fundit, në vend janë regjistruar 10874 raste të reja, ndërsa u kryen 144.737 tampone. Ditën e djeshme u regjistruan 9335 raste të reja me COVID-19.

Ndërkohë 89 persona humbën jetën (73 dje), ndërsa 2046 persona u shëruan.

Rajoni me numrin më të lartë të infeksioneve të reja është Lombardia (2,023), e ndjekur nga Piemonte (1,396) dhe Campania (1,312).