LIGJET E BIZNESIT
Situatë e rënduar raportohet në Burgun e Reçit, ku rreth 100 të dënuar kanë hyrë në grevë urie.
Shkak për këtë sipas burimeve është bërë moslejimi i vizitave të familjarëve që nga fillimi i pandemisë, si dhe moslejimi i marrjes së lejeve për të shkuar në familje.
Mësohet se prej dy ditësh ata kanë refuzuar dhe ushqimin.
E njëjta situatë është dhe në burgun e Peqinit, ku më shumë se 100 të dënuar në burgun e sigurisë së lartë, prej ditësh, janë futur në grevë urie.
Në grevë urie janë futur edhe rreth 70 të burgosur në burgun e Shënkollit. Ata kanë 5 ditë që kanë refuzuar të ushqehen dhe i janë bashkuar grevës së urisë e cila nisi fillimisht nga burgu i Peqinit, pas aplikimit të regjimit 41 biss.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
70 të burgosurit kanë kërkuar që të lejohen takimet me avokatët dhe familjarët, pasi u ndërprenë për të mos lejuar përhapjen e COVID-19 në institucionet e vuajtje së dënimit që nga nisja e pandemisë.
Të dënuarit i kanë parashtruar kërkesat përfaqësuesve të Ministrisë së Drejtësisë po ashtu edhe përfaqësuesve të Avokatit të Popullit, ndërsa kanë theksuar se nuk tërhiqen nga kërkesat dhe se do të vijojnë grevën deri në përmbushjen e tyre.
