“Bravo Altin, pas 17 vitesh u bëre asistent regjisor” Julian Deda ‘thumbon’ keq regjisorin Basha: Më në fund ia arrite qëllimit

Programi i humorit “Portokalli” nisi sezonin e ri të dielën e kaluar.

Por shikuesit vunë re ndryshime të shumta, largime aktorësh dhe një regjisor të ri.

Kjo ndodhi pasi pas 17 vitesh si regjisor i spektaklit, Altin Basha dha dorëheqjen për shkak se i ishin hequr shumë kompetenca.

Ai u zëvendësua nga Indrit Çobani, i cili është aktor në Teatrin Kombëtar, si dhe ka qenë regjisor i dhjetëra emisioneve televizive më parë.

Duhet thënë se largimi i Bashës bëri vërtetë bujë, dhe në rradhën e aktorëve që janë larguar më herët nga “Portokallia”.

Duket se tashmë kanë nisur dhe ironitë.

Ka qenë Julian Deda ai i cili përmes një postimi në Instagram i ka hedhur një thumb ish-regjisorit të spektaklit të humorit.

“Bravo Altin, pas 17 vitesh eksperiencë pune si regjisor, më në fund ja arrite qëllimit, u bëre asistent regjisor. Hallall plako”, ka shkruar Deda në Instagram.

Debatet mes Julian Dedës dhe Altin Bashës kanë nisur shumë kohë më parë, që nga momemti kur nga spektakli i humorit filluan të largoheshin disa nga aktorët më të njohur. Para disa vitesh, Juli fajësoi regjisorin për të gjitha largimet, duke u shprehur se kanë pasur probleme me të dhe njerëzit që i qëndronin Bashës afër.