Spencer Davis, një nga ikonat e muzikës botërore gjatë viteve ’60 është ndarë nga jeta në moshën 81-vjeçare.
Kitaristi uellsian, i njohur nga të gjithë pasi themeloi grupin ‘The Spencer Davis Group’ vdiq në spital pasditen e sotme, pasi po trajtohej për pneumoni. Rrokeri u bë i njohur me këngët ‘Keep On Running’ dhe ‘Somebody Help Me’.
Davis lindi në Swansea në vitin 1939 dhe filloi të mësonte për herë të parë harmonikën dhe fizarmonikën në moshën gjashtë vjeç. Ai u transferua në Londër për të punuar për shërbimin civil në moshën 16 vjeç, por më vonë u zhvendos në Birmingham, ku dha mësim gjermanisht ditën dhe luajti në klubet lokale natën.