Një aksident i rëndë me pasojë vdekjen ka ndodhur mëngjesin e sotëm në aksin Fushë Krujë-Kurbin.
Mësohet se ka ndërruar jetë një 26-vjeçar ende i paidentifikuar.
Sipas informacioneve një makinë tip Audi A3 me targa AA 603 IG ka humbur kontrollin dhe për pasojë në afërsi të Borizanës është përplasur me bordurën anësore të rrugës.
Për shkak të përplasjes së fuqishme ka ndërruar jetë 26-vjeçari që ishte pasagjer në mjet dhe shoferi ndodhet në spital.
Por nga kqyrja që grupi i hetimit i ka bërë makinës, ka dalë se ajo kishte dy palë targa dhe ishte vjedhur në qytetin e Laçit.
Mjeti kishte tjetër targë në pjesën e pasme dhe tjetër në pjesën përpara, ndërsa brenda saj janë gjetur maska dhe doreza. Sipas Policisë, aksidenti ka ndodhur rreth orës 06:30, në rrugën Fushë Krujë-Kurbin, në Borizanë.
