Zbulohet biseda sekrete Greqi-NATO për të “zhdukur” Turqinë

Ministri i Jashtëm i Greqisë, Nikos Dendias zhvilloi një bisedë telefonike me Sekretarin e Përgjithshëm të NATO-s Jens Stoltenberg. Bisedimet u përqendruan në zhvillimet në Mesdheun Lindor dhe nevojën që Turqia të ulë tensionet.

Ndërkohë, të shtunën SKAI publikoi një bisedë që Ministri i Mbrojtjes Nikos Panagiotopulos kishte me Sekretarin e Përgjithshëm të NATO-s në takimin e tyre në Berlin, ku kishte sqaruar se të gjitha anijet luftarake duheshin tërhequr.

Dialogu ekspozon Sekretarin e Përgjithshëm të NATO-s, i cili fillimisht pretendoi se kishte një marrëveshje greko-turke për dialog, por kjo u hodh poshtë nga Athina.

Panagiotopulos: Për sa kohë që kaq shumë anije qëndrojnë në këtë pikë, rreziku që diçka të ndodhë për shkak të lodhjes dhe tensionit, rritet.

Stoltenberg: Mirë. Çfarë mund të bëj;

Panagiotopulos: Të ndërmjetësojmë në mënyrë që të gjendet një mënyrë që Erdogan të tërheqë të gjitha anijet menjëherë.

Stoltenberg: Të gjitha anijet?

Panagiotopulos: Të gjitha

Stoltenberg: Dhe Oruts Reyes?

Panagiotopulos: Sigurisht, edhe Oruts Reyes. Nëse anijet luftarake tërhiqen, ajo do të largohet, sepse nuk lë kurrë pa shoqëruar anijet luftarake.