Hasan Mira, 65-vjeçari me Covid-19 që u vetëflijua mbrëmjen e sotme, duke u hedhur nga kati i katër i spitalit ‘Shefqet Ndroqi’, për herë të fundit, ka telefonuar fqinjin e tij. Gazetari Enver Doçi, ka zbardhur edhe fjalët, ku Mira dëgjihet t;i thotë fqinjit të tij, se po ta kishte ditur se ç’bëhej aty, nuk do të ishte shtruar kurrë.
Përsa i përket telefonit, duke qenë se nuk lejohet brenda në spital, Mira, që ishte edhe vjehrri i ish-deputetit socialist, mësohet të jetë shprehur se e ka futur me miqësi, duke paguar ‘diçka’.
Biseda e plotë
Fqinji: Si je?
Hasan Mira: Jam më mirë, më duket se ja hodha ia hodha…
Fqinji: Si ke mundur të fusësh telefonin aty brenda?
Hasan Mira: Po me miqësi, kam paguar diçka…
Fqinji: Shyqyr që je mirë!
Hasan Mira: Po ta dija se çfarë bëhet në spital nuk do kisha ardh me u shtru…Shyqyr që jam mirë e mos ardhsha më në këtë vend! Po e mbyll telefonin se e mora për 5 minuta, nuk ma lënë më, më rri një person më vëzhgon tek koka tani që po flas.
Ngjarja e rëndë ndodhi mbrëmjen e sotme. Mira, vetëm para dy ditësh kishte rezultuar i infektuar me Covid-19 dhe ishte shtruar në spitalin Covid-2, nga ku dhe u vetëhodh. Ai ishte në gjendje të rëndë shëndetësore, por jo në gradën e intubimit. Paraprakisht është raportuar se shkaku që e ka çuar 65-vjeçarin të ndërmarrë këtë akt, ishte gjendja e tij e rënduar psikologjike.